畢名：畢名：的士司機：我沙士都捱過，而家算啲咩？
剛開完會坐的士回家，同事在車上談到7名警察事件，誰料，司機突然黎料！
其中一番話，真係做得的士司機耐先睇得透！
司機先講：「反黑咪有牌爛仔，你睇嗰個人身上一個個圈啲傷係點做成？」
我答：「警棍尾？」
司機禮貌回答：「都可以既，不過我就話係差佬身上嗰個小電筒似啲囉。」
我轉話題問：「司機，近排生意有冇影響？」
司機高八度：「有！ 點會冇？」
我問：「咁幾大影響？」
司機答：「你話沙士影響大，定而家？我沙士都捱過，而家算啲咩？我支持架！」
我愕然，隨之靜待他下一句說話。
司機說：「啲人成日話中央俾飯你食，你係咪豬啊？定係條金魚？飯來就食，冇晒思想！自由行係中央俾你，但沙士呢？都係中央俾你！係因為沙士，我地先出現自由行，而家啲人仲記唔記得沙士邊啲醫生犧牲？幾多人死左？點解會死？咪中央隱瞞囉！自由行……有邊啲人受益？咪食少啲囉！」
我問：「咁嗰廿架的士出來話冇生意喎！」
司機大聲道：「你睇下嗰班人架架車都有幾部電話call機，佢地呢啲車有錢就做，我呢，多多錢都唔接你！」
我再愕然，原來係咁！ (怪自己太唔注重細節）
司機再講：「個政府而家好好咩？佢得左耳聽到嘢，右耳聾架！咪聽晒左派話囉！如果唔係咁，今日會搞成咁？嗰個譚X宗，我叫佢棺材宗架，我見親佢就罵，你唔覺佢個樣成塊四方板咩？」
我忍俊不禁。
司機欲罷不能：「你班民賤聯話我會投票俾右翼（保護司機係邊個唔開名啦），我話你知我係右派民主派唔係右翼，不過你再咁搞落去就全香港變右翼，香港人你越打壓佢越反抗！」
我第一次，用沉默來回應。
沉默代表贊同。
司機，你比好多讀得書多，賺得錢多既人更明白事理，做人更透徹公義。