ViuTV開台後無綫收視跌唔少 黃金時段劇集危危乎 ？

ViuTV免費電視99台喺4月6號正式啟播，觀眾終於有得揀又點會淨係睇TVB呢？！咁新電視台嘅出現對無綫嘅影響有幾大就仲未知，但係喺上星期無綫嘅收視表就見到開台前後嘅收視就真係跌咗唔少（ViuTV收視表現未公佈）。

喺 開台日（6號），大熱韓劇《太陽的後裔》最高收視大約八點（大約52萬人次收看），成為ViuTV開台最高收視節目，而同時段無綫嘅《末代御醫》由前一日 平均收視25.5點（大約165萬人次）跌到得返19.6點（大約127萬人次），之後星期四同星期五嘅收視都升唔返上去，只有大約21點收視。撞正近期 hit爆《太陽的後裔》，成為跌得最嚴重嘅時段，都可以話係意料之內。


 另外，開台日10點播出嘅重點節目《跟住矛盾去旅行》 亦都重擊同時段嘅 《EU超時任務》同埋 《Do姐有問題》，分別由前一日平均最高收視26.1點及22.9 點 跌到得返22.1點及17.8點收視。

無綫其他節目收視：

《東張西望》由星期一平均最高大約23.5點跌到星期三嘅大約20點收視，去到星期五最高平均只有19.5點收視。

《愛．回家之八時入席》由星期一平均最高大約29點跌到星期三嘅大約23點收視，去到星期五最高平均只有23.7點收視。

《末代御醫》由星期一平均最高大約25.5點跌到星期三嘅大約19.6點收視，去到星期五最高平均只有23點收視。

《EU超時任務》由星期一平均最高大約26.3點跌到星期三嘅大約22.1點收視，去到星期五最高平均有26.3點收視。

《Do姐有問題》由星期一平均最高大約23.3點跌到星期三嘅大約16.1點收視，去到星期五最高平均只有23點收視。

睇返原來只有《EU超時任務》去到星期五先可以同星期一嘅收視睇齊。唔通跌咗嘅收視，有如撥出去嘅水？唔想繼續跌嘅話，睇嚟無綫真係要諗諗計喇！

【上周收視出爐】ViuTV《太陽》攻陷無綫 《愛．回家》《末代》收視跌咗升唔返

ViuTV進入電視市場，挑戰TVB一台獨大嘅局面，上星期6號星期三ViuTV開播，首日收視已經成功搶灘，大熱韓劇《太陽的後裔》成ViuTV開台最 高收視節目，最高收視逾8點(超過52萬人次收看)，當日同時段無綫嘅《末代御醫》由前一日24.9點(約161萬人次)跌到徘徊20點(約130萬人 次)。

不過電視係持久戰，上星期6號至8號ViuTV戰蹟如何未有公佈，但無綫黃金時段上星期三至五收視全線下跌，當中尤以8點半至9點半檔最嚴重，明顯被8點半至10點嘅《太陽的後裔》搶客，之後三日收視更未能回升至星期一二的水平，歸納如下:6點半時段:
TVB《6點半新聞報道》星期一至二嘅收視最高平均為17及15點左右，但一到星期三就明顯被ViuTV嘅《快樂童盟》搶客，星期三《6點半新聞報道》首時段跌到得平均11.1點收視，到去到星期五，最高平均亦只能去返13.4點，未能返回15點水位。7點半至8點半時段:
TVB 《東張西望》亦由星期一最高平均23.5點收視，由星期三開始下跌，星期五首段得返最高平均17.5點嘅收視。而上星期一首播嘅《愛．回家之八時入席》本 來星期一後段曾錄得平均29點收視，但去到星期三ViuTV首播，曾跌到最低得平均21.5點，而去到星期五，亦只能去返平均23.7點收視。8點半至9點半時段:
星期一及二的《末代御醫》收視徘徊於24至26點，但ViuTV一首播，播出《太陽的後裔》第一集，已曾令TVB跌破20點關口，星期三《末代御醫》首半個鐘只有平均19點左右收視，而去到星期五，收視亦只能升至最高平均23點左右，返唔到星期一及二嘅水平。最後，無綫只係得番《EU超時任務》同《Do姐有問題》兩個節目追得番之前星期一同星期二嘅收視，真係慘情！
*1點=64,910觀眾