【玩死自己】想食住環球？無綫反食惡果
網絡平台所有歌須下架
2016-5-19
「香港依家唔係得一個電視台，其他平台都可以宣傳。」此理不難明，亦是千真萬確的事實。當局者迷，不明此理嘅，可能係無綫。
環球同無綫一度因為版稅問題反面，好不容易先至拉番埋一齊再合作，但最近環球同無綫傾網絡使用權續約，又再反面收場，原因係無綫提出添加一項條項，就係：即使雙方唔再續約，無綫都可以永久使用環球歌手嘅歌曲網上播放，甚至包括埋海外嘅使用權！呢件事都好荒謬，環球總經理譚先生接受《蘋果》電話訪問時，亦表明難以接受。理由如下；1.網絡使用權合約，一直都係每三年再簽一次。今年何哲圖同環球傾嘅時候，提出加添呢條不平等條款，要求可以永久性喺無綫網絡平台用環球歌手嘅歌，包括海外嘅使用權。咁以後仲使傾續約嘅？2.環球唱片係國際公司，公司嘅原則，就算其他網上平台合作一樣，都唔會有永久性，合約完咗要重新再傾。無綫憑甚麼覺得可以有特權？3.藝人嘅表演係公司最大財產，冇可能合約完咗之後、仲可以永久性擺喺佢哋網上平台再用，因為呢個都係影響唱片公司收入。份
約傾唔掂，環球要求無綫喺合約到期後，將公司歌手所有歌曲下架，問題係，雙方份約，喺今年5月1日已經完咗，如前所述，因為份約係三年renew一次，換
言之，今年4月30號之前出咗街嘅節目，嚟緊仲有三年期限可以喺網上播。至於2013年5月1號之前嘅節目，就全失效。簡單嚟講就
係，2013年5月1號之前，無綫網絡平台上，用過環球嘅歌，包括劇集主題曲、插曲，都要全部下架，包括myTV
SUPER、myTV等等收費或者免費網絡頻道。試想像一下，一套劇有二十集，每集有主題曲同插曲，集集都要抽番起喎，工程浩大。仲有，環球已收購
EMI(百代唱片公司)同新藝寶，而環球前身，係寶麗金。即係話，寶麗金、環球、EMI、新藝寶喺無綫網絡平台所有歌曲，都要下架。電視頻道則不受影響。就咁講大家可能唔明，舉啲例子你就明，例如《天師執位》主題曲、阿倫唱嘅《誰可改變》，喺TVB網絡平台要下架。許冠傑、陳百強、張國榮、王菲、Beyond、張學友、陳慧琳、陳奕迅、李克勤等歌手嘅歌，亦需要下架。無
綫原本諗住，如果環球再扭計唔續約的話，尚且可以永久繼續喺網上平台用環球旗下歌手嘅歌，依家得不償失仲要下架，你話無綫／何哲圖係叻得滯定笨得滯？
「曾經說出…今生不愛你…」一聽到呢首歌就成套劇嘅回憶湧晒出嚟，sorry，以後無綫網絡平台冇得再播呢首歌。
|
許冠傑
|
張國榮
|
陳百強
|
陳奕迅
|
李克勤
|
王菲
|
【無綫霸權】提出同環球唔續約 都可以一世任用網上播放權？
方丈份人真係.....本報收到消息，繼版稅問題風波之後，最近環球同無綫又反面！事緣早排環球同無綫傾網絡使用權續約，無綫竟提出添加一項條項，就算雙
方唔再續約，冇咗合約嘅關係，無綫都可以永久使用環球歌手嘅歌曲網上播放，甚至包括埋海外嘅使用權！嘩！邊有咁大隻蛤乸隨街跳㗎，環球又唔係蠢豬，梗係唔
應承啦！
呢件事都好荒謬，記者致電向環球總經理譚先生求證，問到係咪同無綫反面？譚先生話：「我哋有個網絡使用權合約，一直都係每
三年再簽一次，今年何哲圖同我哋公司傾呢個續約，但佢想加一個條款，想環球旗下歌手嘅歌曲，可以永久性用喺佢哋網絡平台度，最主要針對萬一唔再續約，都可
以永久性將環球歌手嘅內容擺喺佢哋平台，包括海外嘅使用權。」由於呢個條款無理兼苛刻，譚先生坦言公司唔接受：「環球達成唔到佢嘅條款，所以要求無綫喺合約到期後，將公司歌手所有歌曲下架。香港依家唔係得一個電視台，其他平台都可以宣傳。」係
咪覺得無綫好霸道？譚先生話：「每間公司都有自己規矩，環球唱片係國際公司，要堅持番公司嘅原則，就算其他網上平台合作一樣，都唔會有永久性，合約完咗要
重新再傾。公司接受唔到呢個條款，因為藝人嘅表演係公司最大財產，冇可能合約完咗之後，可以永久性擺喺佢哋網上平台再用，因為呢個都係影響唱片公司收
入。」以後唔再同無綫合作？譚先生話：「唔係合唔合作問題，呢個網絡使用權佢哋用唔到，可能佢哋都要計數，會唔會再用我哋歌手，如果佢哋搵
我哋做，呢個原則下無任歡迎。」會唔會同其他電視台合作？佢話：「喺呢個年代，其實我哋同每個平台都有合作，幫到歌手都會做，之前盧冠廷做毛記台慶表演，
最近佢都同ViuTV拍咗音樂特輯，據我所知係Viu第一個音樂特輯，接住Gin Lee都會做特輯，其實我哋好開放，只要合符原則之下都會做。」自
從大台成立星夢娛樂唱片公司之後，力捧旗下嘅吳若希、許廷鏗、鄭俊弘等「大歌手」，同其他唱片公司關係越嚟越差，搞到近年嘅「十大勁歌金曲頒獎典禮」星光
暗淡，尤其擁有張學友、陳奕迅、譚詠麟、李克勤、陳慧琳、陳慧嫻、盧冠廷、吳雨霏、Gin
Lee嘅環球唱片，都寧願唔玩勁歌頒獎禮，費事做暗星陪襯，依家雙方再次擘面，大台以後嘅大型綜藝、籌款節目，真係冇眼睇！
【霸權再現】10蚊買斷實體播放版權
大台走灰色地帶網上照用
2016年05月30
環球同無綫喺網絡使用權合約上傾唔掂數，大台今晚開始重播黎明劇《人在邊緣》挽收視，聲稱可以喺網上平台照播黎明唱嘅主題曲《人在邊緣》同插曲《如果這是
情》，環球唱片連日同法律部開會研究，總經理譚先生接受《蘋果》電話訪問無奈表示，當年環球嘅前身寶麗金同無綫簽條款，以港幣10蚊買斷呢兩首歌嘅實體播
放版權，無綫喺灰色地帶之下，可以喺網上播呢兩首歌。
譚先生解釋：「公司已經check咗，環球系列包括寶麗金、新藝寶、正東、
EMI，大約有200幾首無綫電視劇嘅主題曲同插曲，當年寶麗金嘅高層同無綫簽條款，講明無綫以每首港幣10蚊，可以買斷用喺實體播放電視出街，包括推出
VCD同DVD，因為當年冇網上平台新媒體，所以衍生好多灰色地帶，無綫到呢刻都可以攞嚟播，環球都冇辦法。」即係話，大台可以繼續佢嘅霸權喎！問
到覺得大台係咪好霸道？譚先生話：「呢個係以前年代簽署，以前冇新媒體，但0依家年代唔同，平台係開放，全方位宣傳，唔會再係以前咁一台獨大。」之前何哲
圖代表無綫同環球傾網絡使用權合約，提出要加簽永久性使用條款，所以環球就拒絕咗，譚先生話：「因為前車可鑑，所以公司唔肯簽，唔想再有呢啲情況出現，呢
啲條款唔可以再簽。」所以，除咗劇集歌曲之外，其他屬於環球系列嘅歌曲，無綫網上平台全部要下架。