居民反對分拆維修費索價4億　
富安法團　突取消業主大會

【本報訊】近30年樓齡的馬鞍山富安花園爆出疑似天價外牆維修，屋苑法團將維修工程化整為零，無標示工程總造價，只標示每戶需付約2.3萬元至10萬元，若所有單位外牆維修，工程費高達近1億至4億元。法團原定昨午召開業主大會議決外牆維修安排，但前晚突然通知取消大會。逾200名居民昨於屋苑聚集，大部份業主反對拆件維修，又不滿法團倉卒取消會議，「肯定身有屎，未聽過有法團會無啦啦終止個會，都係擔心我哋投反對票」。
A記者：譚靜雯

富安花園共17座、近4,000戶，入伙約28年。近月屋苑業主立案法團正就外牆工程招標。日前全港業主反貪腐反圍標大聯盟發現，維修工程無標示總造價，又將工程拆件，只標示每戶需繳付約2.3萬元至10萬元。
法團原於昨午召開業主大會，議決外牆維修安排，但前日傍晚法團突在屋苑張貼「取消業主周年大會延會」通告，指今次大會委任代表的文書標題上有錯誤，法團召開緊急會議及向諮詢律師意見後，為免引起進一步爭拗或訴訟，決定取消大會，改為下月11日再召開特別業主立案法團大會。法團又於屋苑內張貼大字報，指日前多間傳媒報道富安花園維修工程的新聞報道失實，保留追究權利。

■法團於屋苑貼大字報指關於工程的新聞報道失實，稱會保留追究權利。

街坊：佢哋肯定身有屎

逾200名居民昨於屋苑內聚集，擬出席大會的業主不滿法團倉卒取消會議。麥小姐斥法團不敢面對居民，「佢哋肯定身有屎先會咁，我未聽過有屋苑法團會無啦啦自己終止個會議」。她指自己單位的大廈外牆出現裂紋，更有滲漏情況出現，又指部份單位外牆相連，不贊成工程拆件維修，「如果你拆散做，今日呢度爛做呢度，三兩年後，又要夾錢，點解唔一次過做大維修，換晒啲喉，最好換埋鋁窗」。
業主陳先生也批評法團突然取消大會做法鬼祟，「噚日5、6點先貼通告」，又指前晚突然有身穿黑衫、寫上「保安」兩字的外籍人士出現屋苑範圍，「從來未見過嗰啲人，好似想恐嚇我哋」。
反圍標大聯盟召集人兼民主黨立法會議員林卓廷昨於現場解答居民的疑問，他指業主普遍反對「化整為零」的外牆維修工程，呼籲下月11日親自出席業主大會。

業主心聲

Jessica
「最近睇傳媒報道先了解個維修工程，都唔明點解斬件維修。」

黃先生
「唔贊成拆件維修，冇理由呢到畀一筆、嗰度又畀一筆錢㗎嘛。」

80後住戶自發設關注組

【本報訊】富安花園外牆維修工程引起居民關注，一直懶理屋苑事務的80後業主Sam，眼見疑似天價工程「殺到埋身」，決定自己屋苑自己救，短短兩日與幾名街坊自發組成「富安花園外牆維修關注組」。

「價錢唔合理」

他不贊成工程斬件維修，「拆散咗嚟做，係會貴咗」，又指已成立facebook專頁，會繼續擺街站向居民講解今次外牆維修工程內容。
業主阿Sam約8年前購入富安花園的單位，他坦言多年來未有理會屋苑事務，「老老實實一直都好少理，都係返工、放工、返屋企，但呢一刻真係關乎自己荷包」。他稱從新聞報道知悉屋苑要做外牆維修，「我都擔心自己係咪都要畀10萬，點解會咁貴？自己就睇吓資料，真係見到拆散嚟做，價錢會貴咗」。
他再翻查資料，發現屋苑一直沿用的承辦商今次也有投標，但價錢比之前高30%，「同一間公司貴咗三成，大家都覺得價錢唔合理，因為有居民反映做完工程，一年之內又再出問題」，上周五晚隨即與幾名居民開會，「大家都覺得要企出來做啲嘢，令居民留意或者了解多啲」。關注組現有5名骨幹成員，各人均決定企出來維護自己屋苑的權益。
■記者譚靜雯