孟子講過，有智慧不如乘勢，有鎡基不如待時。誠然，股票市場的確係順勢而為，容易賺錢過所謂萬中無一股神點石成金，傳說中的股神通常買親都中，就如賭博買大細連中十鋪咁，機率可謂能與六合彩頭獎比美。要能在逆市賺錢真係難如登天，無論在入市價位、入市時間、出市時間、出市價位都要掌握得到。股市後面有幾多無形之手在左右大局，比如前幾日本巴黎發生ISIS國發動的恐怖襲擊，你話係突發事件咩？此言差矣！美股道指早係星期三開始大跌，就連港股係狂飇幾百點後，第二日都要急轉向插番幾舊，跌到禮拜五收市，大家跌得都無無謂謂，到星期五晚發生巴黎恐襲，港股咁星期一黎個終極一跌就完事，美股港股隨後又即時彈番幾舊。如果你話等件事反映出黎跟住買跌咩，人地大戶就順勢平淡倉，股市就係要有買有賣方有交易對手，如果人人都睇淡，咁咪買交易對手買貨囉？所以幕後的大戶做市商，永遠都係掩藏住消息，或說早著先機，先做反映消息既買賣，等到轟動的消息曝光後，便有足夠規模的交易對手進行平倉，所以炒股，成日都會有不明不白的走勢。其實並非不明不白，而係人地的消息比你早一日、兩日、甚至早成個星期知道，到散戶知道消息後，人地都飽食遠颺了。
所以呢，炒股票並非用眼、耳去炒，係用心去炒，咩係用心？就係靠經驗去閱讀趨勢，去閱讀人地大戶炒賣既規律，的確係感覺。重點就係投放時間到股票市場之中，唉事實又有幾多打工仔有如此時間，人地有既係團隊咁去監察走勢，散戶想異想天開咁炒贏人賺人D錢，咁大戶開個大檔出黎搵乜食呢？股神三五七時又係世上出現，技術哉？運氣哉？定抑或係傳媒借此類新聞刺激大家投機股市的貪婪心？當然乘勢而為，的確能賺番幾筆橫財，但貪勝不知輸，根本未知自己贏甚麼，又為何而贏，輸番哂出去都不為過。股市最蠱惑的地方，就係上下无常，進退无恒，人地既消息永遠先過你，甚至所有消息都係專門製造俾你睇，就好似觀眾以為自己身處最佳位置去識破魔術師的魔術，反而身處之地卻正是魔術掩眼法最佳施展之地。想要炒股，首要認知的事，就係股市中大戶的消息比散戶知得早，係走勢自己仲不明不白時，捨不得壯士斷臂，順勢而為，真係唔好話識炒股。或者，可以控制自己投入股票市場的注碼。畢竟人地大戶真係開住個mon睇住你班老散黎食。
