【開工利是大檢閱】邊間銀行派2,000蚊？ 滙豐終於唔派朱古力金幣 中電信香港員工獲派千元利是

【開工利是大檢閱】中電信香港員工獲派千元利是

年初五開工大吉，統計一下各大企業的開工利是金額，中資及港資公司比較闊佬。據悉，中國電信（香港）今年繼續派千元大利是，相信一班員工就最開心！

安盛、中央證券、萬豪酒店及信誠證券等公司，今年同樣向員工派發100元開工利是。而合和、恒隆（010）及美高梅中國（2882），員工獲派20元利是。至於近年業績麻麻，更屢傳要重組業務、裁員消息的國泰（293）就派20元開工利是，旗下的港龍亦一樣。同行香港快運就人人派100元開工利是。

【開工利是大檢閱】邊間銀行派2,000蚊？ 滙豐終於唔派朱古力金幣！

打工仔今日新年開爐，放假心情似遠還近，開工利是當然有助回復心情！據本報統計各大金融機構，開工利是以中資及港資比較闊佬，當中繼續以中信銀行派得最多，目前開工利是以$2000最醒神！
而上上年只派金幣朱古力、上年連朱古力都冇嘅「鬼仔」滙豐（005），今年派$20應節，佢個港產仔仔恒生（011）就延續中國人習俗，同上年一樣派$20。