【阿信屋】終極大計開估！老闆：開便利店決戰7-11

CEC國際（759）旗下759阿信屋業務越做越闊，擴零售戰線也說得過去，不過，阿信屋連雲吞麵、茶餐廳、車仔麵都參一腳，至今仍被不少市場人士認為踩過界。

有云：「別人笑我太瘋癲，我笑他人看不穿。」阿信屋老闆林偉駿接受本報訪問時解畫指，其實所有被外界認為「亂做」的業務，都是為了大舉打入「便利店」市場的重要部署。他透露，便利店「會開得幾多得幾多，數目無底，一定會針住7仔（7-11）。」

他解釋指，阿信屋便利店將會參考日本便利店的營運，會有暖飯、三文治等熟食供應，「我唔係亂踩界，點解我要開茶仔，開車仔麵賣鹵水嘢？就係為咗便利店賣呢啲做準備，麵包店更加唔使講啦！」

他表示，未來會力谷車仔麵店及麵包店，兩者亦將會為便利店之熟食、麵包作分區供貨。另外，早前為已擱置的網購大計而籌組的車隊，亦將轉為負責有關熟食的物流。

首 批阿信屋便利店將於3月開張，會有4至5間。被問到阿信屋便利店較7-11有何優勝之處，林偉駿笑言：「冇嘢好過佢。」他指出，便利店不會售賣香煙，但將 會有本地飲品供應，惟未擬正面打價錢戰，因此產品訂價會跟7-11。不過，於便利店購物可於阿信屋享折扣回贈。開業地點方面，他僅表示全部位於人流旺的地 點，如彌敦道。

想知更多阿信屋未來大計，請繼續留意今日蘋果財經即時新聞。

記者：倪敏慧
攝影：張柏基、許頌明

【阿信屋】759亂踩過界？老闆反駁：「做生意邊有界？」

CEC國際（759）旗下之阿信屋，由零食、化妝品、超市、家品，凍肉都有搞，最近再開「759寢具屋」，另外下月759「12蚊店」、便利店亦會陸續開張。對於外界批評公司踩過界，老闆林偉駿接受本報訪問時反駁指，「做生意有界嘅咩？」

「賣 一包零食同賣一張綿胎，對我來講嘅分別，就只係一個產品編號。」他表示，自阿信屋開業後，公司日、韓廠房網絡逐漸擴大，「出面啲人成日話我心多。你估真係 我想做就做到啦？我想做皇帝呀？得唔得呀？梗係唔得啦。只我係識多咗人，路數多，而我會把握機會咁。」他又指，「唔係我心多唔多，唔通我開到咁上下，出面 班人（指伙記）全部訂薯片咩？我都要俾機會佢哋試架。」

他又解釋，自己絕非亂開新業務，決定打開新市場與否，全然取決產品能否貨如輪轉，「呢個係唯一一個方法，去抗衡租金壓力」。他指公司現金流正常，贖單期約平均70多日。未來只要發現新路數，而存貨亦可以一個月內賣走，他都會踩入去。

一 子錯，滿盤皆落索。被問到會否怕假如有任何新業務失敗，會拖累集團整體時，他表示，「咁做生意怕咩啫？我啲策略會修訂架。」他指出，每次新嘗試的投資都不 會太大，因此即使落錯一個決定，亦不至於令自己翻唔到身，「我眼光當然唔係準到咁，我日日都有錯嘢、誤判，但只要改得快就得啦。」

想知更多阿信屋未來大計，請繼續留意今日蘋果財經即時新聞。

記者：倪敏慧
攝影：張柏基、許頌明

【阿信屋】「面膜網購」快開波
12蚊店打「日本製造」牌

CEC國際（759）旗下759阿信屋，下月動作多多，除了便利店、12蚊店開業外，另外亦會重推網購，但只賣面膜。目標今年阿信屋總分店數目，由現時240間增至年底的300間。

老闆林偉駿接受本報訪問時表示，早前突叫停之網購將會於3月中推出，不過網購只會售賣日、韓、台面膜。他指出，面膜毛利低，但存貨卻佔了舖內大量空間，因此索性搞「面膜網購」降低成本，並會外聘速遞公司送貨。

至於12蚊店，相信第一間可如期於本月28日開張。他強調，12蚊店有85%貨品為「日本製造」，「來貨60至90日圓，我正價賣12蚊，會員價10.8元，咁你話有冇得做？」他指出，12蚊店最少開20間，每間2000呎至3000呎。

想知更多阿信屋未來大計，請繼續留意今日蘋果財經即時新聞。

記者：倪敏慧
攝影：張柏基、許頌明

【阿信屋】759乜乜乜之「十問阿信屋老闆」！

憑本報收視數據，發現好多讀者都好關心阿信屋嘅新聞。每次阿信屋有新搞作，總會有好多讀者留言，到底宇宙有咩嘢阿信屋係唔會做？幾時有阿信屋地產？幾時有阿信屋日報？幾時有……乜乜物物。

既然大家咁多問題，我哋就一次過，幫大家問老闆林偉駿！仲幫你問埋佢會唔會做特首、會唔會搵CY千金齊昕做代言等敏感話題！去片吧！

【異動股】CEC國際炒起 現升6%

CEC國際（759）午後股價炒上，現升6.4%報2.34元，暫時成交金額450萬元。

CEC國際主席林偉駿接受本報訪問時表示，旗下阿信屋，未來將大力開拓便利店市場，開店數目無底。