【《勁歌》收視得9.7點】羅鈞滿醉駕被大台安排道歉 喊得無謂！

大台最近同環球喺網絡使用權合約上傾唔掂數而反面，喺傾唔掂數嘅情況下，歌曲唔單止要下架，旗下嘅歌手當然缺席大台啲活動，結果周六舉行嘅《2016勁歌 金曲優秀選第一回》，喺蜀中無大將嘅情況下，當然又係「星夢」天下!

節目無厘頭加插咗涉嫌醉駕又喺度等判嘅，話收到公司份稿，佢仲 話發現公司好愛佢，被公司「安排」喺勁歌向大家道歉，又話諗過叫啲fans嚟，不過害怕fans會受到好多冷言冷語，佢直言：「知自己之前做一件好錯誤嘅 事情，想借呢個機會同大家講，我希望日後會更加珍惜，行好日後嘅路。」羅鈞滿講呢番說話嘅時候，有少少眼泛淚光向觀眾公開道歉。但係呢招似乎對收視無助，喺今日公佈嘅收視成績，《2016勁歌》平均收視只係得到9.7點收視(約63萬名觀眾)，比上周同時段跌咗7.3點(約47萬名觀眾)，去到尾聲收視只係8.7點(約56萬名觀眾)，跌到得番單位數字！睇番過往啲收視成績，喺2015年嘅勁歌金曲優秀選第一回，仲見到有15點收視(約97萬名觀眾)，之後喺第二回跌到去得10點收視(約65萬名觀眾)，點知今次仲低，得番9.7點(約63萬名觀眾)，唔知大台又有乜嘢招數救亡？