GPA 4.0 城大唔收入劍橋
http://nextplus.nextmedia.com/news/latest/20160522/396902
冼漢傑，51歲，影像壓縮公司Dao Laboratory創辦人，公司現時主要為電視台或者新媒體提供服務，ViuTV和TVB網站都是他的客戶。冼讀電腦出身，曾經創辦兩間IT公司，研發手機技術，其中一間公司被人以過億元收購。
他出身於草根家庭，爸爸是司機，媽媽是車衣女工，小時在葵涌石蔭邨長大，成績很差，「以前中學校內考試，（平均）只得三科合格，會考好咗好多，大進步，只得一科唔合格。」
會考1D、6E、1F，他轉讀電腦學校，同時學寫程式，結果全部科目考獲A，再去澳門讀資訊科技文憑，以GPA 4.0驚人成績畢業。他之後報讀城大前身的城市理工學院，同學GPA二點幾都獲取錄，但他只被排入waiting list。
冼漢傑之後報讀倫敦大學，借完政府資助後，再問銀行借錢，儲夠大約十萬元去英國留學，讀computer science，最終每年都考到最高分。其後他去了劍橋讀博士，但未讀完便決定返港研發手機技術，劍橋最終都頒了碩士學位給他。
成 績有如此大的轉變，他認為主要是對所讀科目有沒有興趣及決心，他也不適合主流教育，「fit唔到呢套咪上堂戇居居發白日夢，你唔係唔想去做呀有陣時…依家 啲人可能安一個名俾佢，叫咩學習障礙…你離開中學就反而比較有空間，用自己學習模式去學嘢，你未必知道自己係咩模式，但經過幾年你咪摸到出嚟，唔死得的 話，哈哈哈。」
港產IT奇人》兩創手機技術賺兩億
屋邨仔出身的冼漢傑，兒時成績差到爆，最終讀電腦讀到劍橋碩士。九十年代中他返香港，當時是天地線手提電話年代，他加入一間美國傳呼機公司，想盡快進入互動無線通訊技術市場。
到九十年代尾，Nokia出了第一代蕉型手機，價錢普 及，他便開發了一套手機定位技術，可以透過手機跟發射站的交流，得知手機使用者的位置，再發文字訊息到手機或電腦，通知用家手機使用者去到邊。 Smartone當年以二百多萬元，買了他的技術。他之後再賣俾五、六間海外公司，賺了數千萬元。
至二千年初，出現彩色手機，他開了第二間公司，成功研究令手機可以睇到GIF檔案，被外國雜誌選其公司為全球四大之一，他將公司賣了給一間美國上市公司，又賺一筆，「嗰個年代唔係好好景，你唔好諗住會有四五十mil美金，我記憶之中廿零mil左右，美金。」
港產IT奇人》壓縮《太陽的後裔》香港極速睇
劍橋大學畢業嘅冼漢傑，07年開設公司研究直播4K影片，之後改為開發影像壓縮技術。現時和ViuTV和TVB網站都是他的客戶。其實，影片在不同平台，例如網站、手機或平版電腦播出前，都要先經壓縮。
冼說他開發的壓縮影片技術，速度比人快。以往一部電腦，只可同時壓縮一段片，以兩小時影片為例，就要壓縮兩個鐘。他設計的軟件，可將多於一部電腦連接，同時壓縮一段片，若四部電腦壓縮兩小時影片，可以快四倍，只需半個鐘。
ViuTV 韓劇《太陽的後裔》在韓國播出後四小時，便在香港有繁體字幕版，亦有應用到其技術。冼指出「其實Viu.com出已經用緊我哋，佢哋同韓國嗰邊應該，我相 信一定有啲arrangement，即係我拍咗條片，容許你幾耐做點播，依家你傾到我俾你四個鐘後播，Once你傾咗一個好快嘅時限出嚟，你就要從技術上 解決，點樣可以喺嗰個時間度做到。」
