美國女海軍 迪迪尼唱《山林道》爆紅

【新增影片】
中港矛盾加劇，而兩地語言也成為爭拗點之一，不過有外籍兵日前 訪港，並到香港迪士尼即場合唱本地歌手謝安琪主唱的《山林道》，雖然咬字不清，但亦獲得現場不少掌聲，以及得到網民激讚，上載短片的網民認為，當到訪一個 地方，會嘗試以當地語言或文化和當地人交流，就是尊重的表現，更指如果原唱者（謝安琪）和有份參與製作這首歌的團隊聽到這次演繹，應該會更感動。

迪 士尼發言人晚上回應稱，參與演唱的軍人其實是來自美國海軍第七艦隊中樂團「太平洋大使」的成員，他們一行15人前日(5月1日)到訪迪士尼參加樂園定期舉 行的表演項目計劃，選唱《山林道》亦是對方自行挑選，當日有幸現場聽到樂團表現的觀眾其實相當幸運，因為樂團成員當日只演出一場。樂園又指，過去不時有來自不同地區的團體或學校來港參與園內表演項目計劃，美軍過往訪港時亦曾經參加過，作為軍隊到訪社區的活動之一。

美國海軍第七艦隊樂團「太平洋大使」到訪香港唱謝安琪嘅《山林道》

【起雞皮】美國海軍唱《山林道》 謝安琪激動：首歌係講毋忘初衷…

「我只盼 這裏有天 變回樹 撤回路」－－謝安琪呢首廣東歌《山林道》，前日由一位美國女海軍喺香港迪士尼樂園公開演唱，由其他軍人協助樂器伴奏，吸引大批遊客或企或坐駐足圍觀，令人 驚喜，原來佢哋係美國海軍第七艦隊樂團「太平洋大使」，估唔到佢哋訪港，咁有心思苦練唱廣東歌，表現出尊重本土文化。

有網民拍片擺 咗上網分享，即被瘋傳勁讚：「起咗雞皮」、「美國兵都唱Kay歌」、「尊重人家文化及語文，是直得鼓掌的！」、「犀利！美軍都唱，大陸人學嘢啦！」「謝安 琪衝出國際」、「唔好話舔美國人鞋底、崇洋，但人哋真係有修養，懂尊重。」、「對鬼婆來講，廣東話真係好難學，可見佢真係好有心機。」之前 Kay已經有首《囍帖街》被韓星IU演繹，今次輪到美國海軍，好威威！Kay接受《蘋果》電話訪問表示：「嗰日有迪士尼做嘢朋友，咁啱on duty拍底畀我睇，我其實好開心，因為覺得有任何外國嚟到嘅音樂人、樂團、歌手，佢哋如果喺本地挑選作品演繹，一定有佢哋自己原因，要花咁多時間演繹一 首歌，一定係鍾意嗰首歌，覺得嗰首歌值得佢哋咁做。」Ka謂睇完呢條片，更覺得好滾動：「知道自己嘅歌曲畀呢隊海軍樂隊演奏，咁認真拼晒音 去唱，好感動！第一時間send畀《山林道》製作團隊分享喜悅，我覺得意義最緊要，喺揀歌時候，o依家芸芸流行曲裏面，我諗佢哋有問吓人，如果我要演繹一 首唔識語言嘅歌，我都會問吓當地人，知道首歌講乜嘢，我先夠膽演繹，要知道情緒點演繹。呢首歌講面對困境或者發展時候都毋忘初衷，講緊呢啲咁社會性心態， 我好欣賞佢哋揀一首咁樣故事嘅歌去演繹，好多謝佢哋。」《囍貼街》同《山林道》嘅歌詞都係出自黃偉文（Wyman）嘅手筆，Wyman透過 短訊回覆：「嘩，原來廣東歌熱潮已經傳播到美國了嗎？可以期待下一步是Beyoncé 和Rihanna在Super Bowl中場表演合唱《女神》嗎？請她們務必記得帶埋欣宜。」

	美國海軍第七艦隊樂團「太平洋大使」到訪香港唱謝安琪嘅《山林道》	Kay BB喺facebook話﹕「真的感動了」
網民留言大讚