【中港矛盾？】巴黎開騷唱粵語歌竟被噓
Eason：用廣東話最親切！

香港樂壇早就被指萎縮中，喺呢個漸漸不再被睇好嘅環境中，唔少香港嘅音樂人同歌手，都努力捍衛曾紅遍亞洲，甚至遍佈世界華人地區嘅廣東歌。

近 年歌手們希望開拓華語音樂市場，製作國語歌打進大陸及台灣市場，遍及兩岸三地嘅騷更係多不勝數，咁歌手企喺台上時，究竟係要講國語定廣東話？揀歌時要唱國 語歌定廣東歌？呢啲涉及語言嘅問題，相信為唔少歌手或背後團隊帶嚟人生交叉點，正如前晚喺澳門開騷嘅張衛健，希望顧及場中大部份講國語嘅觀眾，而以國語對 答時，即被部份講廣東話觀眾要求講番粵語。

上月中喺澳門舉行咗兩場巡迴演唱會嘅陳奕迅（Eason），全場都以廣東話對答，不過當佢獻唱《富士山下》一曲時，卻唱出國語版的《愛情轉移》，即時引起「噓聲」；最後佢喺臨唱完前，唱番一段廣東話版《富士山下》，觀眾先報以掌聲。

原來究竟唱廣東歌定國語歌呢個問題，喺最近兩場歐洲站都有發生。噚日喺《輔仁媒體》，就有位喺禮拜一睇完巴黎18區舉行Eason演唱會嘅作者，發表一篇以「陳奕迅開演唱會：廣東話？普通話？」為題嘅文章，並指演唱會成為「廣東話與普通話間的矛盾展現」嘅一個場地。

該 作者直言買飛時已作好心理準備，將會聽到好多普通話歌，結果Eason安排咗「梅花間竹」嘅歌單，大概唱咗兩首廣東歌後，就唱兩位國語歌，當樂手奏起在港 熱爆嘅《歲月如歌》音樂時，在場VIP區觀眾，就期待Eason唱出國語版《兄妹》，點知聽到係廣東話版後，即傳出「噓聲」，其後Eason獻唱國語歌 《愛情轉移》時，反應即熱烈起嚟。

睇到呢篇文章後，好明顯發現，同一首歌喺澳門或者法國獻唱時，觀眾反應會有好大差別。面對呢個問題，Eason喺法國站講日前倫敦站嘅經歷，佢指網友爭論佢應該講普通話定廣東話等「無聊」話題，而佢指自己係香港人，當然係用廣東話最親切，此語一出，即獲在場港人歡呼。

該 作者又認為，如果你的文化是優越能吸引別人欣賞的話，這並不需要你去刻意迎合人家的文化，而人家也會自動來親近你的文化。佢舉例「在四大天王盛行的時代， 中國人喜歡香港歌曲，他們在私家車內都是在播放他們的歌，很多內地人都會用「帶有口音的廣東話」唱Beyond的歌曲，而自動學懂廣東話。

再 者該作者覺得陳奕迅能在六千「金主」面前，直接地說出他自己是香港人，「當然用廣東話表達自己最親切」，在倒退中的香港樂壇已是一種進步，也可看出陳奕迅 也在有意地捍衞香港文化，而這又有多少人能做到？