依家有d女仔唔識養生又多病痛好麻煩
1. 夜晚成十一點幾十二點先洗頭， 又唔吹頭，有d直頭濕住個頭訓，有頭風咪頭痛囉
2. 成日學d韓妹懶係野著d露腰露臍衫，呢d冷親唔好怪人啦，吹親個肚又易肚痛，吹到條腰又會腰酸背痛 著得多露膊頭d衫又係會肩頸痛，明知自己身體差就避忌下啦，愛靚唔愛命好威威咩
3. 成日飲凍野食雪糕甜品食西瓜飲豆漿…etc 子宮寒都咪洗旨意易受孕，就算唔係生bb，你飲咁多凍野又唔做下運動，血氣運行唔好會m痛是常識吧，你自己又辛苦，你身邊果個仲辛苦 比你大大聲鬧“你又唔係女人你點會明！”，但明明就係你自己唔好好保養你自己身體，m痛先黎發脾氣
4. 講起做運動，想keep fit又唔學人做下運動，又話咩怕有肌肉，大姐，你知唔知要練到有肌肉一舊一舊咁係幾難既事啊？人地男人天生少脂肪多肌肉，都要狂練同一組muscle， 狂食protein diet，protein supplement先可以操到d肌肉 你一個女人仔跑果一個鐘步，一星期先跑幾次會唔會咁易有肌肉啊？咁我跑多幾個月咪變鄭麗莎？遲下行出街咪周街都張家輝？
5. 唔做運動之餘以為齋食沙律就瘦到，小姐，你望下果pat沙律醬肥到咩地步先啦，就算走醬，d菜又寒涼，仲要凍食，食得多咪又肚痾兼m痛手腳冰冷囉 到時又睇下你有幾健康
6. 夜媽媽冇野做都唔訓覺，搞到有千年黑眼圈先買d貴婦護膚品黎搽有屁用咩，治標不治本 戴埋哂d好似比異形入侵左咁既大眼仔，又一日戴成10幾個鐘，遲下戴到盲鬼左就唔荒唔靚啦，靚到冇眼睇添
女仔顧下自己身體啦
靚，可以靚一世咩？
何況個底唔執好佢，個樣扮到幾靚都冇用啦
黑眼圈係鼻敏感既好朋友
一定孖住黎 算啦冇得救 因為我都係
唯有每日盡早訓囉
我不理解正常一件t shirt點解要係膊頭剪2個洞
貪佢入風？
關節位不嬲要保暖要遮風 否則老左就麻煩
絲打注意膊頭保暖啦～
