[壹週刊 1264 財經] 日本直擊 阿信屋入貨秘密大公開

http://hittt.blogspot.hk/2014/05/1264-m1_5315.html

[壹週刊 1264 財經] 日本直擊　阿信屋入貨秘密大公開 M1,

日本「鐵火燒」米果廠廠長古河誠一（左）親自帶隊參觀生產線，更即席請阿信屋日本買手荻鳥喜正（右）試食蝦味燒餅，該廠會特別為阿信屋設計印有 759品牌的包裝。

大錢題

日本直擊　阿信屋入貨秘密大公開

靠賣日本零食起家的阿信屋（ CEC國際， 759），近日熱傳夥拍王維基搞網購，股價再被炒起。成立短短三年，分店已近二百間的阿信屋，即使連番遭百佳、惠康追擊，老闆林偉駿仍以攻為守，決定年底前再開十二間分店，繼續搶灘。

林 偉駿如此自信，原來背後全靠有東京最大的零食供應商力撐。上週，本刊記者跟隨阿信屋港、日買手到日本，直擊採訪阿信屋在當地的零食供應商，發現真正扶起林 偉駿的，竟然是一一年的日本「 311大地震」。當年地震重挫經濟，林偉駿誤打誤撞摸上門，對日本零食商來說卻變成雪中送炭。過去三年，雙方建立起牢固關係，即使百佳、惠康等對手不停叩 門，供應商都不為所動。對此，林偉駿感慨：「如果再從頭嚟過，冇咗 311地震，阿信屋根本做唔掂！」

採購路線圖

上 週三下午，記者隨阿信屋兩名買手抵達東京成田機場，落機後即乘車到市內一間食品供應商的貨倉參觀。隨隊的林偉駿助手壹哥（張茗壹）表示，這間公司在東京有 二十多個貨倉，是東京最大的食品供應商，講明要以現金找數及自行取貨。去到門口，老闆田先生（簡稱）已迎上來，他是家族第三代話事人，絲毫沒有架子，更主 動幫記者及壹哥拿行李。田老闆帶著一行人參觀貨倉，不少貨品都熟口熟面，如各式 Kit Kat朱古力及 Riska粟米球，儼如走入放大版的阿信屋。壹哥解釋：「雖然我哋而家已經識到好多零食廠商，但都唔會直接去攞貨，因為當初都係佢哋（田先生）介紹，所以 會繼續同佢哋入貨。做生意唔可以飛起人，同埋佢哋賺好少差價。」

供應商唔做超市生意

阿 信屋沒有過橋抽板，田先生亦禮尚往來，他從衫袋拿出一張印有日本名的卡片交給壹哥看，說：「這個人前幾天找我入貨，後來我發現他是頂好（惠康的台灣公司） 的人，便拒絕了。」身為商人竟然不想賺錢？田先生卻再三強調：「我只會和林先生做生意，因為我尊敬他。」阿信屋職員並不介意記者刊登田先生全名及公司名， 但田先生卻以怕麻煩婉拒，他的助手解釋：「雖然行內人都知道我們和阿信屋的關係，但怕報導後會有更多人來找我們拿貨，會較煩。」之後四日行程，其中三日， 田先生都親自帶隊，拜訪各大生產商，十分落力。

林偉駿在香港接受訪問時坦言，他與田先生沒簽訂任何合約及協議，全憑互相信任：「日本人 做生意係咁，如果簽約，佢哋反而會覺得你唔信佢，除咗惠康、百佳，一田都有搵佢哋攞貨，但都俾佢拒絕。」林指二人相識多年，最初是靠做線圈生意時認識的日 立老前輩，輾轉介紹而結識，「地震前已經搵佢拎貨，地震後仲有多無少，咁先取得信任。咁講好衰，但如果冇地震，真係搞唔掂。」林偉駿透露，來自田先生公司 的貨品，佔其日本貨來源約五成，另外兩個日本供應商則位於青森及秋田。

林偉駿指日本 311地震後，當地供應商更重視海外市場，成為阿信屋迅速發展的契機。（林志謙攝）

阿信屋最大的日本零食供應商，在當地擁有超過二十個貨倉，客人須

支付現金及自行取貨。

踩入魚市場米菓廠

行 程第二日，一行人淩晨兩點便出發，先往東京著名的築地市場參觀，再往附近經營出口的大田市場。築地五大海鮮供應商之一的大都魚類株式會社，在大田市場擁獨 家魚業經營權，其常務董事堅田照久坦言：「近年大田市場的出口一直下跌，為增加出口，我們覺得香港是很好的市場，很樂意和 759合作。」他更即時向在場人員請教銷售策略，壹哥立刻推銷員上身，建議將大田市場寫入旅遊指南：「香港人淨係識築地，因為旅遊書淨係寫築地，你哋同阿 信屋合作，我哋會喺貨品包裝貼上大田標誌。」壹哥指會向大都購入急凍水產及部分日本蔬果。

下午，馬不停蹄來到埼玉縣、米餅品牌「鐵火 燒」的廠房。該品牌的海膽燒餅，是阿信屋的熱賣產品。該廠現時每年銷售額約二十五億日圓（約二億港元），其社長譽田稔表示，當初田先生介紹阿信屋上門時， 沒想過燒餅能在香港大賣，他透露：「本地市場漸漸下跌，我們除了想開拓香港市場，也想打入中國。」該廠生產約十五款米菓，但阿信屋只採購海老（蝦）及海膽 口味，壹哥表示：「試賣過唔同口味，呢兩隻最好賣，其他口味唔啱香港人。」記者試食後，覺得海鮮味口感鬆化易入口，其他如燒醬味，質地偏硬，味道亦較單 調。

築地魚市場每日淩晨三點便開門，阿信屋主要買入海蝦，急凍後運回港出售。

不願上鏡的供應商老闆田先生（白衣黑褲），指因為尊重林偉駿，不會供貨予其他香港零售商。

專搵弱勢中小企

林 偉駿為降低入貨成本，經常向買手強調，要找當地的中小企攞貨，因為中小企在本地市場競爭困難，最希望拓展海外市場。行程第三日，來到同樣位於埼玉縣的山芳 Yomayoshi薯片廠。該廠每日能生產六萬包薯片，三年前開始向阿信屋供貨，總經理梶原仁誠指廠方很久之前已想打入香港市場：「九十年代起，日本薯片 市場已不斷萎縮，我們有三十多款薯片，但不知道香港人喜歡什麼口味。」當記者及阿信屋買手，提及港人喜歡芥辣味、芝士味及披薩味薯片時，梶原仁誠大感驚 訝，指日本人喜歡的是鹽味及麵豉湯口味。林偉駿解釋，日本這種中小企最樂意供貨給他，「佢哋唔識點做海外市場，咁多年嚟都冇試過出口，所以我特登搵佢哋攞 貨，互相幫助下。呢啲細廠商，百佳邊會睇得上眼吖！」

至於日本的大品牌，例如以熊仔餅聞名的樂天，在香港各大超市及零食店均有貨品出 售，就要靠供應商田先生出馬。同日下午，來到樂天埼玉縣廠房，由廠長宇都宮勉接待。大品牌要求明顯嚴謹，廠房內不准拍照，雙方對話亦更客氣禮貌。林偉駿表 示：「大廠一定要供貨俾田先生，咁我就可以透過佢攞貨，所以壓力比以前細好多。」林偉駿表示，田先生供貨時，不會要求搭上豬頭骨，「我哋揀貨，只會揀住宅 區超市最好賣嘅貨，因為價錢、口味都較民生。唔好賣嘅貨我會叫停，好似最近佢哋有隻巴西造嘅糖，諗住食住世界盃熱潮，但我覺得批貨唔掂，應該唔會入。」

東京上野零食街小店雲集，但採訪期間，日本零食廠家都指日本市場日漸下跌，因而要開拓海外市場。

Yomayoshi薯片廠在埼玉縣北葛飾郡，全廠只得二百名工人，在當地屬中小企，公司出品近三十款薯片。

不怕被起飛腳

東京的零食鋪一般以特賣場形式經營，因不設上架費，可以將熱賣產品擺放在當眼位置，阿信屋正是抄襲此做法。

日 本人做生意重信用，但其他國家就不同。曾在阿信屋熱賣的韓國「不倒翁」牌芝士麵，早年由林偉駿帶到香港，迅即爆紅，但後來「不倒翁」卻減少向 759供貨，同時進駐百佳等大型超市。雖然如此，林偉駿仍堅持不會簽獨家代理權，「無得驚㗎，要變心嘅擋住佢都冇用，人哋搵到好人家，唔可以勉強。」他拿 著另一韓國牌子的芝士麵道：「我咪搵呢隻代替，都賣到咁多（數量），遲啲佢紅咗又話要走，我哋咪再搵囉。」

入貨的高靈活度，正是阿信屋成功的主因。行程最後一站，來到日本上野的零食街，同街的數間零食店，擺設都不一樣。林偉駿解釋：「因為日本冇收上架費，百佳有收上架費，所以擺位限死咗。阿信屋就係抄足日本，要將最好賣嘅貨擺當眼位，我冇收上架費，想點擺就點擺。」

759 出現後，坊間近年愈來愈多零食店，大多同樣標榜產地來自日本，面對超市及其他競爭者的追擊。林偉駿坦言，要不斷開拓新業務及貨源：「以前一個月入一次新 貨，而家變咗兩星期一次，好賣嘅先加單。」在當地好賣的，引入香港亦會捉蟲：「日本前菜最唔賣得，即係嗰啲魚仔、鹹菜仔、海帶。」

玩埋 759雲吞麵

話口未完，林偉駿又有新搞作。「 BB同老人家產品一直試緊，覺得可以抽出嚟，好似 Kawaiiland（化妝品店）咁，試開一兩間先。」兩間店已在籌備中，分別位於九龍灣及馬鞍山。「未來呢幾個月會有四、五間，採購已經完成，主要入曬日本貨。」

至 於與王維基合作的網購，他就指正準備前期工作，「人哋一吹雞就做嘢。」不過，近來最出位的搞作，莫過於用公司名義在深水埗東京街開雲吞麵鋪。林偉駿指上週 五才收鋪，樓面只有十多張枱，兩個月後開業，「觀塘公司對面有間茶餐廳，啲牛腩麵好鬼好食，我食咗廿幾年，舊年間鋪執笠，我即刻請咗佢個師傅，開始搵 鋪。」他指店名亦叫 759，記者指客人或會覺得騎呢，林偉駿即哈哈笑道：「雲吞麵最多一兩間唔會大搞，乜都試下吖嘛。」

樂天日本工廠位於埼玉縣狹山市，有八百五十名工人，輪班廿四小時工作，任何人進入大門前必須探熱確保體溫正常。

樂天廠長宇都宮勉（左）表示，品牌的香口膠銷售佔樂天近六成生意額，每日生產達一百六十萬盒，反而香港最出名的樂天熊仔餅等餅乾只佔兩成收入。

阿信屋日本供應商：
為義氣，拒做百佳、惠康生意

 CEC國際（759）旗下阿信屋早年被百佳追住打，不過自他改由日本食品生產商直接入貨後，現時阿信屋規模越做越大。

據《壹周刊》報道，阿信屋與日本供應商關係良好，東京最大食品供應商更指，惠康、百佳、一田均有上門接洽入貨，惟由於該供應商老闆個人非常敬重阿信屋老闆林偉駿，「我只會和林先生做生意。」因此對所以後來者均一一回絕。

本報過去亦曾報道，當年日本「311地震」後，日本食品供應商生意慘淡，惟阿信屋主動上門希望入貨，對當地供應商而言可算是雪中送炭。因此打破日本食品生產商不向外國零售商直接供貨慣例，成為阿信屋的供應商。


【壹週刊】日本直撃
阿信屋入貨秘技大公開
【壹週刊】759阿信屋靠賣日本零食抵抗超市霸權，今年分店即將突破二百一十間，本刊上週到日本直擊，為大家揭開阿信屋日本採購的成功之道，發現原來阿信屋靠一一年日本311大地震後大量入貨，成功取得日本供應商的信任，變相取得大部份日本零食的獨家貨源，成功在零食界殺出一條血路。

本刊一連四日參觀咗六個地方，包括港人熟識嘅築地魚市場，另外仲有樂天熊仔餅廠、大田魚市場、阿信屋熱賣產品海膽燒餅嘅製造商鐵火燒米菓廠、Yomayoshi薯片廠同埋上野零食街。發現阿信屋為咗取得大量新貨，專搵當地弱勢中小企，幫助對方做出口生意，成功取得對方信任，其中喺東京某大食品供應商，更感激阿信喺地震時期繼續大量入貨，幫助佢度過難關，所以合作三年以來，一直只係供貨俾阿信屋，百佳惠康甚至一田搵佢哋攞貨，佢哋都堅決say no。

阿信屋老闆林偉駿話同日本做生意一切講個信字，但同韓國人做生意，就要預咗俾對方起飛腳，所以要不斷搵新貨源，以免被市場淘汰。