專題 — 工作假期增閱歷 80後返港難適應？
晴報 – 11小時前
【晴報專訊】「回來後，人成長了很多，反而讓我更迷失。」一篇關於工作假期的網誌，道盡過來人的掙扎。八十後情侶Leo及Nikita，前年放下所有，跑到新西蘭做農夫，體驗過簡單生活，發現香港的步伐不適合自己，回港一年，對將來更顯困惑。
前年全港有逾萬人申請到海外工作假期，創歷年新高。計劃推行十三年，至今成為新一代三十歲前必做的事。然而外遊一年重返，這班工作旅者又應抱着甚麼心態重新出發？回港後 齊轉行
八十後情侶Leo及Nikita原從事採購，去年從新西蘭工作假期回港後雙雙轉行，Nikita轉職做空姐，Leo則投身社福界。「唔知空姐做得幾 耐，想去多次工作假期。」Nikita呻道。「（三十歲後如何？）唔知呀。（移民？）我們都沒有適合技術移民的技能。」Leo答。面對前程，二人暫不知去 向。
兩年前，他倆放下家用辭職到新西蘭。Nikita說：「長期在寫字樓，一日有三分二時間工作，想去他方見識下。」摘生果、開青口、剪樹枝，再單調、再體力勞動的職業都做過，二人卻絲毫沒怨言，皆因工作與生活得到平衡，「香港唔係，明明返九至六，準時走會畀人話無嘢做。」
有比較 不滿足
大汗淋漓的粗活，賺的雖是當地最低工資十三紐元（約八十七港元），卻足夠二人租間房、買架車。Nikita笑言：「我們喜歡在當地自駕遊，但香港不 會有這些情景。」「逼地鐵囉。」Leo自討沒趣地說。「上次元朗有櫻花，等了很多部車才入到去，咪又係得一兩棵。」「一些隨處可見的事，來到香港都變得罕 有。」一年體驗擴闊二人閱歷，不再被老家生活所滿足。「去過工作假期的人都不想留在香港。好似買樓咁，在外國好簡單，香港卻難以實行，覺得這邊生活好辛 苦。」我城依舊，但吾非故我。
事實上不少旅者回港後均需時適應和沉澱。其中網誌《迷‧忘於澳洲360天》提到，「有了目標、有了要求，卻發現與社會格格不入。」另有人稱，用了三年時間才找到人生方向。現時Leo和Nikita亦正處思索階段。
可幸是，有些事總算看得更清。一同笑過捱過，Leo認定Nikita就是那命中注定那一個。離開新西蘭前，他帶她去跳降傘。她跳下，他跪下，她戴上戒指以一聲願意來回應。即使工作前景未明，這趟旅程總算有進帳。
出發前 想清旅行的意義
外國學生愛在升讀大學前停學一年，藉旅遊豐富閱歷。中大專業進修學院社會科學及教育學部總監崔日雄認為，工作假期為港青提供類似機會，但若出發前後沒想清「旅行的意義」，在外國文化衝擊下可能更見迷失。
他建議出發前應問自己為何而去。「很多人離港只為放鬆一下，這並非明確目標，建議轉化為自我探索旅程，發掘自己的強弱處、將來想循何發展，並在當地 尋找相應職業增值，而非『見咩做咩』；其次選擇目的地前應思考當地工作如何有助個人發展；第三是金錢的運用和安排。」另回港後宜整理經驗，「若沒想清個人 方向，即使移民亦一樣苦悶。」
記者：周藹文
睇完上面成篇野, 我只可以話Leo及Nikita根本唔係好了解外國生活係乜野! 又可以話佢地只係睇到佢地自己想睇o既野! 我自己係外國生活一段長時間, 唔係"工作假期簽證"玩玩果種!
你去外國一年樣樣你都覺得好新奇! 而無可否認係外國如你肯住遠d居住環境的確比香港好!
你去外國做一d無乜人願意做o既低收入工作, 無要求, 唔需要考慮將來! 係外國d埠仔買架舊車租間屋仔當然可以無壓力! 你有得, 但一樣有失! 你唔好去諗可以再點去改善自己o既生活質素, 你唔好去諗點可以搵到份唔使賣努力o既工, 你想一世摘生果、開青口、剪樹枝? 你做幾個月, 你會覺得好玩, 但叫你做5年, 10年, 15年.....你會覺得點?
你覺得開車四圍好玩, 但當你日日都要開半個, 一個鍾車先有7-11, 先可以有post office, 你又會覺得香港其實好方便!
而你話外國買樓易, sorry 我只可以話睇你係外國想住係邊! 我有親戚, 住英國, 新西蘭, 澳洲, 美國, 法國...如要係當地o既大城市買間屋 or 一個住宅單位..價錢一樣係勁貴買樓不見得比香港易!
我建議兩位80後, 要從多角度去想一下香港同外國生活方式, 想一下兩者o既長處同短處! 如果可以試下係外國找一份正式o既工作去做下, 多了解當地工作, 生活文化, 多感恩你現在所擁有o既生活方式! 全面d去諗!
而且其中一樣重要o既野就係種族問題, 有唔小外國人好多時表面上好nice, 由其你肯去做一d佢地唔願意做o既工作, 唔同佢地爭d乜, 如福利, 你如有仔女, 佢地要讀書就要爭學位, 真正有前途o既工作等!
但你係咪可以?? 你可以, 你下代又係咪可以? 你想你下一代一世摘生果、開青口、剪樹枝?
到有利益問題時人地好可能比令一個樣你睇, 如果到o既情況先去醒你就後悔都無用!
同樓主好有同感, 我都係歐洲某國住左3年, 頭一年真係好好玩, 樣樣新鮮, 但第2年開始, 發覺無晒D老朋友, 發夢約D朋友, 起身以為係真, 再醒醒個人即刻down晒, 因為係小鎮, 平時生活可以話好清閒, 可以剩到錢買樓買車, 但完全無其他娛樂, 睇番FB親朋好友簡單食餐飯既相, 完全覺得自己去左荒島住咁
