揭破飛機爆滿真相 航空

揭破飛機爆滿真相 航空公司博盡賺錢

而家好多人都鍾意喺飛前48小時check in ，除咗想慳返啲等嘅時間，亦係想避免機位爆滿嘅事發生係自己身上。但係唔知大家又有冇諗過到底點解啲機位咁容易爆滿？今日就等小編同大家一齊解開呢個迷。

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！

最近外國一個TED TALK Video 同大家詳細分析機位爆滿嘅主因，其實都係因為一個字——錢。根據非正式統計，每年全世界大概會有50,000個人持有有效嘅機票但因為機位爆滿而無辦法登機，反映其實好多航空公司都會賣出比實際更加多嘅座位。

呢一個外國嘅video 就指出航空公司之所以咁做，係為咗確保冇任何一個機位會浪費，從而可以增加佢哋嘅利潤，將有機會賺到嘅錢提到最高。簡單來講就係寧濫勿缺。

所以為咗賺到最多嘅錢，公司會透過統計數據決定到底要賣出幾多張機票，因為如果賣得太少佢哋就會嘥咗啲位，如果賣得太多呢又要被罰款同時又要浪費其它航班嘅資源，同埋要付出額外嘅酒店住宿同影響公司評價。為咗得到最準確嘅評估，公司通常會根據交通、天氣、轉機同埋時間等等嘅因素，從而預測乘客出現係指定飛行路線嘅機率，即係中學maths 堂一定會教嘅probability 。

假設一間航空公司一架客機有180個座位，每張機票價值係美金$250（約HK＄1750），如果佢哋冇另外賣出，佢哋最多都只係會賺到美金$45000（HK$315,000)。但係如果另外多賣出15張機票，有15個買左機票嘅乘客無出現，佢哋嘅收入就會增加至美金＄48,750。如果因為飛機爆滿而每人需要賠償美金＄800(HK$5600)，係最差嘅情況之下，會有15個客人會因為上唔到機得到賠償，即係航空公司嘅收入將會跌到得返美金$36,750。不過係現實入面，原來有195名乘客會同時出現嘅可能性機乎係0%，有184名乘客出現嘅可能性係1.11%。

航空公司會透過兩項方法揾岀每種情況嘅可能，而呢個情況之下198張機票會係銷售嘅理想票數，航空公司平衡各種得失之後係可以得到美金＄48,774，比起冇超額賣機票係多左足足美金＄4000。

如果話做生意最大嘅原則係搵錢相信都冇咩人會唔認同，所以話為咗搵錢，真係再多你想像唔到嘅事都會發生。

係旺季其實機位爆滿嘅情況都周不時聽到，估唔到原來背後係航空公司喺度搞搞震？
所以話做生意點可以唔識計數，計啱條數就可以賺到最盡。


其實航空公司超賣是公開的秘密，因為有數據去支持有多少%的旅客是No Show或臨時取消行程。航空公司的做法不礙乎升倉、賠錢給多出來的乘客。有人會很遲才Check-in，希望博升倉，其實沒有多大作用。一般航空公司會先考慮給會員升倉，今年我就試過兩次。有次是跟太太一齊，我升倉太太沒有，我拒絕升倉，最後在閘口我和太太都一同升至商務倉。有次從大阪飛回香港，有告示話如果願意乘搭下一班兩小2時後的航班，會補償2300港元，但到我Check-in時已滿額。如果唔趕時間，差不多可以賺回機票錢。