李嘉誠的繼承者們 二個仔七個孫

人人都恨有個李嘉誠做老豆，大家對於佢嘅家族，應該都好熟悉。李澤鉅、李澤楷係李氏千億王國第二代接班人。至於第三代接班人就多好多啦，夾埋都有成7個! 大家又對佢哋認識有幾多呢?

大仔李澤鉅，93年娶咗王麗橋(原名: 王富信)之後，前後生咗三個女同一個仔。大女李燕寧96年出世，今年已經20歲。 二女李思穎都已經16歲， 細女李燕容亦都12歲。總之隔4年生一個! 

不過，阿爺當然想要孫仔，生完李燕容之後，再追，得咗! 李長禧出世啦! 李嘉誠第一粒男孫喎，本身已經有個廿幾人保標團，李嘉誠開心到去擴建大宅，等啲孫仔孫女多啲地方玩。

至於李澤楷，亦都唔弱。唔聲唔聲嗻08年同梁洛施撻著生埋個仔李長治! 長治亦係唯一一位有公開過樣嘅李氏孫仔。兩年之後，梁洛施仲生埋孖仔H&N，不過呢兩公仔中文名，甚至個樣都冇公開過。

李嘉誠孫有特權》帶保鏢返學 王儷橋唔使陪阿仔玩

李嘉誠的長孫仔李長禧（Michael）已經十歲，一直以來，李家上下對這名長子嫡孫採取高度保護，由○六年出世至今，極少曝光；為免傳媒影到金笸籮的廬山真面目，Michael更獲爺爺李嘉誠特許，每年一月一日到柴灣香港佛教墳場，拜祭亡妻莊月明的重要家庭活動，Michael可以免役。

「李生（李嘉誠）好重視太太（莊月明）死忌，每年一月一日都要全家人去拜祭，Richard（李澤楷）嗰三個仔，因為唔喺香港所以可以豁免，Victor（李澤鉅）三個女每年都要去，不過每次都戴晒眼鏡同口罩遮面，唔俾個樣曝光，唯獨細佬Michael仔可以唔出現，因為明知一定有記者，免得俾人影到個樣。」知情者說。

據了解，今年在漢基國際學校讀P3的Michael，在學校都非常低調，甚少參加校內的課外活動，不過他鍾情足球運動，更是巴塞忠實粉絲。

由於Michael身份特殊，所以學校特別批准他可以帶保鏢一齊返學，貼身保護。據知，當年李嘉誠為想乖孫同李澤鉅、李澤楷一樣入讀聖保羅男女校，李家曾經捐了九千萬給學校，但由於學校堅拒讓李長禧帶保鏢返學，安全至上的李嘉誠，才改變主意。

獨家曝光》保鏢陪睇戲 李嘉誠10歲長孫鍾情巴塞

香港首富李嘉誠擁有過千億資產，88歲的他近年積極將公司重組，似為長子李澤鉅接棒鋪路。

而身為長子嫡孫，李澤鉅獨子李長禧（Michael），06年出世以來一直極少曝光，不過日前本刊就發現已經十歲大的Michael，同媽咪王儷橋（前名王富信），以及幾個朋友仔去數碼港睇戲，李超人長孫出巡，保鏢金睛火眼，跟到實。

Michael是千億長孫，但十歲大已有社交生活，日前他便與母親王儷橋，以及幾個朋友仔及家長，一齊去了數碼港睇戲。現場所見，Michael生得比同齡小朋友高大，已經高到媽咪的膊頭位置，樣子似老豆李澤鉅，只見他全程黐住朋友仔有講有笑，表現活潑。

入場前，Michael先去買飲品小食，其中有個家長買了爆谷，王儷橋一粒接一粒，食唔停口，反而囝囝Michael唔心急，只攞住食物等入場。雖然是小朋友gathering，但全程都有保鏢貼身保護千億長孫。

作為李家長子嫡孫，Michael打扮相當樸實，身穿一件自訂巴塞球衣，背後印了英文名字「Michael」，這件球衣大約需五百元，至於他孭的Fjallraven Kanken背囊是瑞典品牌，亦只需七百三十元，手上戴住隻粉藍色膠錶，亦非名牌貴嘢。