父加碼10億招婿　趙式芝遭浪蝶滋擾

卓能集團主席趙世曾大女兒趙式芝（GiGi），與波爾錶太子女楊如芯（Sean）自同性婚後向來恩愛，可惜一直未獲父親趙世曾認定，趙世曾先於前年以5億 招婿，最近他接受馬來西亞傳媒訪問時，又表示將女兒嫁妝加碼至10億元，認真大手筆！

趙世曾的10億招婿似乎見效，連日來GiGi的公司 電郵與twitter，均收到大批來自世界各地包括新加坡、馬來西亞，就連非洲與夏威夷的男士留言，受滋擾的GiGi昨日在facebook留言表示，謝 絕眾貪錢男的攻勢。

■趙式芝的父親最近再以十億招婿，她在網上呻受到大批男士留言，不勝其煩。

收各國電郵示愛

GiGi昨日在電話中回應說：「因為老竇喺馬來西亞期間做咗當地傳媒訪問，個新聞又再蓬勃，啲人又再傳電郵嚟，馬來西亞、新加坡、非洲、夏威夷、英國等各 國地方。我覺得佢哋應該寫信畀老竇，因為係老竇嘅發言，同我冇關，所以都幾煩。」問到GiGi會否考慮改電郵避開滋擾？她說：「佢哋傳去我公司，我冇睇過 晒，只係知佢哋jam晒，好難搵啲正常電郵，真係好煩。睇番過往經驗，啲新聞會喺世界互聯網上傳來傳去一段時間，惡性又有、善意又有，係冇乜用嘅嘢。我覺 得大家唔係咁認真，如果大家想搵人寫吓情信，寫畀趙生。」

【晒樣示愛】 ■趙世曾反對趙式芝的同性婚姻，最近再以10億招婿，吸引一班來自世界各地的男士毛遂自薦。

【急等錢使】

【自認靚仔】

【願三人行】

■趙式芝前年公開與拍拖七年的楊如芯結婚，兩人在法國舉行婚禮，成為首對公開承認同性婚姻的香港名人。

趙世曾望女接受

對於10億元招婿似見成效，但女兒並不領情，趙世曾說：「女大女世界，我只係希望開多啲路畀佢選擇，至於最後選擇一定喺佢嗰度，我哋唔係封建家庭，代佢選 擇、父母之命梗係冇呢啲咁嘅嘢，選擇權喺佢嗰度。」他續說：「點都要GiGi接受，GiGi唔肯接受乜都冇用！父母梗係想仔女過正常生活，我哋希望佢以後 唔好後悔。」問到有沒有揀女婿的條件？趙生說：「只要GiGi肯接受，其他條件都次要。」
採訪：唐如