特首選舉有玄機？ 曾鈺成出燈謎 「寬掌彩綢，無財暗卜」

特首選舉有玄機？ 曾鈺成出燈謎

新一屆特首選舉將於明年3月底舉行，日前以自己「年紀大」不適合再選特首的立法會主席曾鈺成，今日就在報章專欄出燈謎，「信不信由你，這四字揭示了下一屆行政長官選舉的玄機。」

曾 鈺成稱講述東漢投江孝女曹娥的故事，曹娥父親曹盱乘船遊舜江時在船上跳舞拜祭「潮神」伍子胥期間，墮河淹死，年僅14歲的曹娥悲痛不已，晝夜不停沿江號 哭，17日後亦投江自盡，後人為紀念她而將舜江改名為曹娥江，又立碑紀念她，碑文由才子邯鄲淳19歲時所寫，全文只有400多字。著名學者蔡邕讀過碑文 後，在背後題了「黃絹幼婦，外孫齏臼」（「齏」音「劑」，即薑、蒜等辛辣調味品；「齏臼」是指研碎這些材料的器皿）8個字，但一直沒有人猜得透其意思。直至曹操麾下聰明絕頂的楊修破解燈謎，指是一個四字詞語，最來「黃絹」即「色絲」，合「絕」字；「幼婦」即「少女」，合「妙」字；「外孫」係女之子，合「好」字；「齏臼」乃「受辛」之器，合「辭」字，故謎底是「絕妙好辭」，是蔡邕對曹娥碑的評價。曾鈺成隨即開出同樣猜四字的燈謎，「寬掌彩綢，無財暗卜」，稱四字謎底「揭示了下一屆行政長官選舉的玄機。

【李八方online】估到嘞~曾鈺成講嘅玄機 原來係.....

有時八方真係幾嬲立法會主席曾鈺成㗎，每個星期都喺報章專欄發表意有所指嘅文章，可能覺得畫公仔畫出腸唔夠層次，亦或者藉此避免一啲麻煩事，次次都花盡心 思，叫大家估下有乜意思，搞到逢周一後復工嘅打工仔，未開工已經筋疲力盡咯!

好似今日，又有唔少人被考起，當然包括八方在內，一朝早睇到曾主席拋下燈謎：「寬掌彩綢，無財暗卜」，就係下屆特首選舉嘅玄機，一直苦苦思量到底係乜？最簡單梗係從自覺篤定連任嘅CY思維去諗，唔通志在必得？抑或疾風勁草？莫非係，超然地位？錯，統統都錯。其實曾主席有畀到拆解方法，就係呢個謎底係一個四字辭語，而每個字可以左右拆開，拆成兩個字，合共八個字，而呢八個字嘅同義字就係呢次個謎面。八 方才疏學淺，最初都諗唔到，卻勝在朋友多，而且唔係現屆班子水平，最終獲高人指點，然後有咗答案，原來係唔少港人心聲。到底係乜？八方都畀貼士大家估下， 嗱，最近有傳CY篤定獲北京支持連任，但唔少特首小圈子選委會成員，私下紛紛話想向阿爺SAY NO，而港人就更加對阿爺話事好反感。謎底嘅四粒字，正正講出呢個態度，唔知又係咪代表曾主席嘅心聲呢？●相信聰明嘅八方讀者都估到，謎底係「拒絕欽點」，係咪覺得，曾鈺成好識呃LIKE呢?

寬掌 巨手 拒
彩綢 色絲 絕
無財 欠金 欽
暗卜 黑卜 點