MINISO遍地開花，一早被人踢爆創辦人來自廣州，但網站同電郵地址都似足日本貨，既似Muji又似UNIQLO，全城插爆。
- 網站提到「品牌使用費15萬，貨品保證金75萬」。
- MINISO官方網站都用大量日文字。
壹仔在一個國內網站，搵到加盟MINISO的資料，原 來呢間嘢部份分店都係加盟，「複製率」驚人。當中提到「品牌使用費15萬，貨品保證金75萬」。即起碼90萬人民幣，約108萬港元入場。2015年 MINISO於中國開店1012間，若全部是加盟，即係MINISO穩袋11億港元！認真和味。
壹仔打過去MINISO中國合作熱線，職員指，有八成店舖是加盟經營。事實上，MINISO在香港亦發展迅速，2014年11月在元朗開香港第一間鋪，年半後的今日已經多達35間，而真正日本貨Muji加埋UNIQLO，在香港都只有36間鋪。
壹仔又打去問過，原來MINISO在香港不開放加盟。職員話︰「(加盟在)中國大陸是有的，還有其他國家是有的（只是香港沒有？）嗯，對。」被問到未來會否在香港開放加盟，職員指可能性很低。
對於呢個品牌，市民張先生坦言︰「睇佢個樣同Uniqlo , Muji 啲樣好似，但感覺唔好。太抄襲。一樣存在多年既野，突然岀現新野cover，感覺太抄襲。」他又指將來不會於MINISO消費。
